سؤزلوک: “مرکز سول” یوخسا “اورتا سول” | ایواز طاها

جودیت باتلئرین سون آمئریکا سئچکی‌لرینه تپکی اولاراق قلمه آلدیغی قیسا یازیسیندا بیر سؤزبیرلشمه‌سی وار: left of center.
بونو نئجه چئویرمه‌لیییک؟ «مرکزین سولو»مو؟

رسمی آذربایجان تورکجه‌سینده بونون دقیق قارشیلیغی [معادلی] یوخدور. فارسجادا ایسه اونو “چپ میانه‌رو” چئویریرلر. آمما ایستانبول تورکجه‌سینده اونون دقیق و یئرینه دوشموش فارشیلیغی واردیر: “مرکز سول”.

هابئله، آک پارتی‌نین بیرینجی کز سئچکی‌لری قازاندیغی گون‌لر مسعود ییلماز بئله بیر قاورامی سسلندیردی: «بیزده ایندی مرکز ساغین یئری بوشدور، آک پارتی مرکز ساغچی رول اوینامالی‌دیر.» دئمک “مرکز ساغ” باشقا بیر ایصطیلاحین قارشیلیغی اولاراق ایشلنمیشدیر: right of center.

بونلارا دایاناراق بو ایکی اؤنملی و ایشلک ایصطیلاحین قارشیلیغی باره‌ده اؤنریمیز [پیشنهادیمیز] بودور:
اورتا سول / مرکز سول left of center
اورتا ساغ / مرکز ساغ right of center.

One Reply to “سؤزلوک: “مرکز سول” یوخسا “اورتا سول” | ایواز طاها”

  1. سایین بی! کلیشه اولاجاق آنجاق هر کس کیمی سیزدن آزربایجان تورکجه‌سینین گلیشیمینده گوستردییینیز چابادان دولایی تشکر ائدیرم.
    اوسته‌لیک سیزدن بیر نئچه سورغوم اولاجاق‌دیر دیل قونوسوندا؛
    اویرنجی‌می؟ یوخسا اویرنچی‌می؟ یابانجی‌می؟ یوخسا یابانچی‌می؟
    [ci, cı, cu, cü] و [çi, çı, çu, çü] بو اک‌لر نه‌یه باخیلاراق سوزه یاپیشدیریلمالی‌دیرلار؟
    هانسی‌اک‌لر بیتیشیک، هانسی‌لار یاخین و هانسی‌لار آرالی یازیلمالی‌دیرلار؟
    “وئره بیلمه‌ین‌لردن‌میش‌جه‌سینه” تک باشینا بیر کلمه‌دیرمی یوخسا بیر عیبارت‌دیر؟

پاسخ دادن به P لغو پاسخ

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *