سئچمه‌لر: گله‌نک، تبریز و باکی

گله­‌نک باجاسيندان باخاندا بونلاري گؤروروک: باکي، يوٍنگوللوکدن گؤيه ميللَنميش چرپلنگه [بادبادکه] اوخشايير، تبريز ايسه آغيرليقدان پاليچيغا اوتورموش گمي­يه.  قوزئي­ده آسقيراق گليرکن ساغلامليق دئمک، قاپي کانداريندا [آستاناسيندا] گؤروشمکدن چکينمک، گونون فالينا دريندن اينانماق آلداتماسين بيزي. بونلارين گله‌­نه‌­يه دخلي يوخ­دور، سووئت توتاليتاريزمي­‌نين تالاديغي ديني آيين‌­لرين يئرينده اوتورموش دئفورمه آيين­لردير بونلار. سونوج آيدين­دير: قوزئي­ده گله‌­نک بوشلوغو نه­ قده­ر …

قیسا سئچمه‌لر: دیل موهندیسلیی باره‌ده | ایواز طاها

سؤزسوز، هر بیر دؤولت‌ـ‌میللت دیلین پلان‌لی بیچیمده گلیشدیریلمه‌سینه دایر بللی تدبیرلر گؤرور. بونون آشیری اؤرنک‌لرینه نازیزم آلمانیاسیندان دئگول فرانساسیناجان، گاندی هیندیستانیندان سوکارنو ایندونئزیاسیناجان بؤیوک بیر أراضیده توش گلیریک. أن اوغورلو اؤرنک‌لر ایسه گؤز قاباغیندا‌دیر. آتاتورک زامانیندان ایستانبول تورکجه‌سینده، رضا شاه زامانیندان ایسه فارس دیلینده آپاریلماقدا اولان ایصلاحات‌لار هئچواخت دایاندیریلمامیشدیر. ایییرمینجی یوز ایللییین بوتون زامان کسیم‌لرینده …

قیسا سئچمه‌لر: چاغداش اینسانین وظیفه ایله یاناشی حاققی دا واردیر

اوْرتا چاغدا اینسانین حؤکومت قارشیسیندا یالنیز وظیفه‌سی واریدی. چونکی گوج صاحیب‌لری اؤز مشروعیت‌لرینی یا گؤیدن آلیردیلار، یا دا قیلینجدان. آمما رنسانسدان باشلایاراق “حاق” مسئله‌سی قابارماغا باشلادی. اینسان، وظیفه‌ ایله یاناشی حاق قازانمالی اولدو. بو، قاچیلماز ایدی. شارل مونئسکیو “قانون‌لارین روحو” کیتابیندا اجرا، یارغی و قانون‌وئریجی اورگان‌لاری بیربیریندن آییرماقلا حاکیمیت،  سوْروملو [مسئولیت‌لی] بیر قوروم حالینا گتیرمه‌یه …

قیسا سئچمه‌لر: حاکیمین قورخونج مهابتی

کئچمیش زامان‌لارا باخین! حؤکمدارین بوینوندا وطنداش‌لارین حاققی یوخ ایدی،  اونون اؤنونده یالنیز وظیفه‌لری واریدی. همین دؤنم‌لرده مشروعیت قازانماغین یولو زوراکیلیغین گؤستریمیندن [بازآفرینی‌سیندن] کئچیردی. مشروعیتین قیلینجا باغلی اولدوغو چاغدا بو عادی بیر یاناشما طرزی ایدی. البته قیلینج‌لا قازانیلمیش مشروعیت یالنیز قیلینج‌لا گئده بیلیردی. حاکیم کوتله قارشیسینا اؤلوب‌ـ اؤلدورمکدن باشقا بیر یول قویموردو. بیچاق سومویه دایاندیقدا وطنداش …

قیسا سئچمه‌لر: اعتیراف

اعتیراف گوج قورولوش‌لاری‌نین کوتله‌یه قارشی ایره‌لی سوردویو آخماق آرگومئنت‌دیر. بئله کی، گیروْو گؤتوروله‌رک محبس کونجونه سیخناشدیریلیمش وطنداش‌لارین آغزینا ایسته‌نیلن سؤزلر قویولور. کوتله، تلویزیون محکمه‌سینده اؤزونه قارشی تانیق روْلوندا چیخیش ائدیر. تانیق‌لا سانیق’ین [شاهد‌له متّهمین] قوْرخونج بیرلییی. اعتیراف گئدیشینده گوج قورولوش‌لاری‌نین [قدرت ساختارلاری] ساده بیر دیله‌یی وار: «سؤیله، سؤیله‌ کی، آزادلیغین یوخلوغو سوچ دئییل، اونو کوچه …

قیسا سئچمه‌لر: دیکتاتور اؤز باخیشی‌نین قوربانلیغی

موریال میراک وایسبارخ “گوج کورسوسونده مجنون‌لار” کیتابیندا عرب‌لرین بئش دیکتاتورو باره‌ده یازیر: «بو دیکتاتورلار اؤزونه‌وورغونلوق، یانیلساما، شؤهرت‌سئوه‌رلیک و اؤز توپلوم‌لاری‌نین سیاسی-ایجتیماعی گئرچک‌لیک‌لرینی یئترینجه انلایا بیلمه‌دیک‌لری اوزوندن کوتله‌نین گئنیش عوصیانی ایله قارشیلاشدیقدا چاشیب قالدیلار.  اونلارین تپکیسی‌نین ماهیتی گؤزله‌نیلمز دئییلدی: شاشقینلیق، اینامازلیق، اعتیراض‌لاری دوشمنین قورغوسو سانماق، ناراضیلیق‌لاری انکار ائتمک و سون مقامدا زوراکیلیغا أل آتماق. وایسبارخا گؤره، …

قیسا سئچمه‌لر: هانسی حاکیمیت دیکتاتوردور، هانسی دئموکراتیک؟

هر بیر حاکمیتین دیکتاتور و یا دئموکراتیک اولماسی­نین ایلکین گؤستریجیسی­ بودور: کوتله هانسی‌سا حؤکومتی به­‌یه­‌نمه­‌دییی تقدیرده گوج ایشلتمه­‌دن اونو دئویره بیلیرسه او حؤکومت دئموکراتیک­‌دیر، یوخسا دیکتاتور. دیکتاتور حؤکومت همیشه اؤزونه قارشی هر تورلو دیره‌نیشی قانلی مجرایا سورک­له­‌ییر؛ هر بیر اعتراضی قورغو قورامینا [توطئه نظریه‌سینه] سیغیناراق تاپدالاییر. قورغو قورامینا اینانماق و یا ائله بیر قورامدان گئنه­ …

قیسا سئچمه‌لر: یاشام توکه‌دیله‌رک يانان ايشيق‌دير

اؤزلویون فرقينه وارميش اينسان، خاريجي آسيلي‌ليق‌لاردان قورتولموش و اؤزونو يئنيدن اينشا ائده‌ بيلن وارلیق‌دیر. اؤزگورلویون يوخلوغو ايسه خاريجي بلیرله‌نیم‌لرینه/تعين‌لرینه بویون قویماق، هابئله مدني، اخلاقي و تئولوژيک ده‌يرلره آچيق اولما و بونلارين ایستک‌لری‌نین یئرینه گتیرمک اوغروندا حرکت ائتمک آنلامینی داشیییر. کؤکونه باخاندا مدني، اخلاقي و تئولوژيک ده‌يرلره تکرار ائتمکدن بئله چیخیر کی، سن اؤزونو گلیشدیریب جاوانلاشديرا …

قیسا سئچمه‌لر: اؤزلوک حقيقت‌دير

ائشتیرنئره گؤره، اؤزگورلوک “من”ین سئوگيسي اوچون چاليشماقدیرسا ندن ائگونون اؤزو باشلانغيج، اورتا و سونلوق اوچون سئچيلميرمی؟ اؤزومو اؤزگور ائدن من دئييلم‌مي؟ ايلک بینؤوره اولان من دئييلم‌مي؟ آنجاق اينسان زنجيرلرين ايچينده یاشام سورور، اؤزگورلوک ایسه گله‌جک‌له باغلی دویولان اوموددان باشقا بير شئي دئييل. تک بير دوستاق حاليندا بئله اولسام دا وارام، مؤوجودام. قرارا گل: دوستاق حالدا …

قیسا سئچمه‌لر: اؤزونو آرا، ائگوْيست اول!

اينسان اؤزگور دوغولموشدور، اؤزگور باشلاميشدير، اينسان اؤزگوردور، آنجاق  “اؤز”ونو ایتیریب. چونکي مين‌لرجه ايلليک مدنيت اونون نه اولدوغونو آنلاشیلمازلاشدیرمیش، اونو، ائگويست اولمايان لاکين ايدئاليست اولان آدام اولدوغونا دا اينانديرماغا مجبور ائتميشدير. بو یالانچی اینانجدان قورتولماق گره‌کیر! اؤزونو انکار ائدن و دقيق بیچیمده اؤزونو اؤزوندن یوخسول بوراخان (محروم ائدن) اؤزگورلویو آختارماق؛ اؤزونو آرا، ائگوْيست اول. بو سؤز …

قیسا سئچمه‌لر: هایکو و میستیک شعر

هايکو ذئنين أدبي قوْلودورسا، ميستيک شعر عرفانين دانيشان ديلي‌ديرــ ضديت‌لي دانيشيق. نه ذئن دانيشماق ايسته‌يير، نه ده عرفان. بيرينجيسي سؤزلري سوسدورماغا چاليشير، ايکينجيسي ايسه «حالين شرح و بيانه سيغماديغي»ني وورغولايير. هم ميستيک [عرفانی[ شعر، هم ده هايکو قارالتي‌ديرلار، ايلغيم‌ديرلار. ياخينلاشديقجا اوزاقلاشيرلار. «ايلک گؤروٍنوشده اوْخوناقلي اوْلدوقلاري اوٍچوٍن، ياخين، لذّتلي، تانيش، اينجه، شاعرانه، و ايسيديجي اؤيوٍدلرين مکمل …

اسلیمی و یا آرابئسک

“اسليمي” صنعت، يا ” آرابئسک”arabesque  دقيق هندسي شکيل‌لر و يا استيليزه اوْلموش (ساده‌لشميش) بيتکي ناخيش‌لارينا أساسلانير. اسليمي داش، مرمر، پيشميش کرپيج، تاختا و موزائيک اوزه‌رينده ايشلنميش بللي ناخيش‌لارا دئييلير. بو ناخيش‌لاردا بيتکي‌لرين ساده‌لشميش فورمالاريندان آلينميش موْتيولر و گئومئتريک [هندسي] شکيل‌لرين چئشيدلي نوعو ايشله‌نير. بئله کي، بيتکي‌لرين قيوريم ساپ‌لاريني و گئومئتريک شکيل‌لري اؤرنک آلاراق ديوارلاري، ائو …

یئنی دؤنم

“يئني دؤنم” The New Age ایصطیلاح ايييرمينجي یوزایللییین ايکينجي ياريسيندا غرب اؤلکه‌لرينده يارانميش مدني آخيما اشاره ائدير. 1968 اوْلاي‌لاري آردينجا غرب آيدين‌لاري سانکي بؤيوک يئنيلگييه اوغراديلار. فرانسا باشدا اوْلماق‌لا غرب اؤلکه­‌لري 1968ـ‌جي ايل گئنيش اؤيرنجي حرکاتي­نين Evenments شاهیدي اوْلموشدو. بو اوْلاي‌لار، بوتون غربده 60ـ‌جي ايل‌لرين اوْرتالاريندان باشلانميش گنج‌لر و اؤيرنجي‌لر عوصياني­‌نين پارتلایيش نؤقطه­‌سي ايدي. مؤوجود …

قیسا سئچمه‌لر: عرفان‌لا چاغداش اینجه‌صنعتين يوْل‌لار آيريجي‌

عرفان، ايتکين اؤلکه‌لر سوْراغيندا بو ياشامدان اوْ دنيايا قوْيوب قاچماغي گئرچکلشديرمک ايسته‌يير، اينجه‌صنعت ايسه ايتکين اؤلکه‌ني بوردا جانلانديرماق. بو آيريم، ياشامين صنعت گؤلوٍنه آتديغي داشين دالغاسي‌دير. بو آيريم مَدرَس‌‌له پاريسين فرقلي باخيشيندان کؤک آلير، باشوْ ايله مارينئتتي‌نين، فضل‌الله نعيمي ايله نيکوْلاس ماکياوئللي‌نين. چئستئرتونون سؤزوٍ دوْغرودور: «بودا ايزله‌ييجي‌لري غريبه احتراص‌لي باخيش‌لا ايچه‌ري زيلله‌نيرلر، مسيح ايزله‌ييجي‌لري ايسه …

قیسا سئچمه‌لر: شعر آرتیم‌دیر

شعر، لايتناهي ياراديجيليق کؤمه‌يي ايله وار اوْلور، “سوْنسوز آچيليم” گئديشينده ألده ائديلير. آچيليمدان علاوه “آرتيم” دا وار. شعر صنعتين بير پارچاسي اوْلاراق، موجود دورومدا آرتيم‌دير، اينديني چوْخالدير. گادامئر دئميشکن «صنعت وجودون نَفَس‌قيران آرتيمـي کيمي بيزه بير شئي باغيشلايير. گئرچکلييين آرتيمي ايله چوخ ياخين‌دير بو قاورام». چوٍنکو شعر اولاي اوْلاراق هئچدن nihilo ex قالخير. شعر وارليغا Being عايد …

قیسا سئچمه‌لر: تاختدان دوشموش تانری، تین و دوشونجه

اورتاچاغ “تانری”نی تاختا چیخارمیشدی، یئنی‌چاغ ایسه “تین”ی [ذهن، عاغیل، منلیک] و “دوشونجه”نی. لاکین چاغداش فلسفه “تین” و “دوشونجه”نی ده تاختیندان ائندیریر. چونکو، آرتیق “تین” و “دوشونجه” یالنیز اینسانی یاشامدا اورتایا چیخان فئنومئن‌لر اولاراق گؤروله بیلیرلر. اونلار أن اوزاغی آیری آیری مدنیت‌لرده اورتایا چیخان اوست‌یاپی‌لار، اینسانی یاشامین یانسیما‌لاری اولاراق گؤز اؤنونه آلینا بیلیرلر. بوتون اینسانلیغا ائگئمئن …

قیسا سئچمه‌لر: فلسفه‌ده أن یوکسک آماج

اینسان اؤزونو هر شئیی قاپسایان بوتؤولویون، یعنی “کوسموس”ون بیر پارچاسی اولاراق قاوراییر. کوسموس’ـا تام گئنل، قاچیلماز و سون‌سوز بیر یاسا حاکیم‌دیر؛ طبیعتین یاساسی. بو یاسایا، اینسان‌لار کیمی تانری‌لار دا تابع‌دیر، جان‌سیز نسنه‌لر کیمی جان‌لی وارلیق‌لار دا عئینی بیچیمده تابع‌دیرلر. اینسان، “ماکروکوسموس” [عالم الاکبر] قارشیسیندا بیر “میکروکوسموس”دور [عالم الاصغردیر]. اینسانین تینی (اینسان ذهنی، اینسان عاغلی) نسنه‌لرین، …

قیسا سئچمه‌لر: آیدینلانما [روشنگری]

آیدینلانما غرب مدنتینده گوجلو و تاریخین یؤنونو دییشدیرمیش بیر آخیمی‌دیر. آذربايجان جمهوريتينده بونا “معارف­چي­ليک” دئييلير، فارسجادا “روشنگري”، انگلیسجه­‌ده ايسه Enlightenment. بو آخيم 18ـ‌جي يوزايلليکده ياراندي. آيدينلانما، اوْرتاچاغين تابوتونا سوْن ميخي چالماق ايسته­‌ييردي. اوْنون باشليجا آماجي، کايناتدا قايناشان اوْوسون‌لاري بيليمين ألي ايله سوپوروب تاریخ زیبیللیییینه تؤکمک، اوسطوره­‌لره قيرميزي قلم چکمک، و خيال‌سئوه‌‌رلييي دئويرمک ايدي. جاواب وئرمه­‌يه …

قیسا سئچمه‌لر: کئف ایله ایثار آراسیندا

چاغداش دونيا ايثارلا sacrifice  کئفين enjoyment  چارپيشماسيندا يوْغرولور. قوربانليق گئتمک‌له کام‌آلما آراسيندا. بو ساواشدا، کئف‌له ايثارين اوْرتاق يؤنو اؤلوٍمون گوٍجونده‌دير. اؤلوٍمون گوٍجو: بير ياندان بدنين سيٌنيٌرلاريني آشماق، اوْ بيري ياندان ايسه يئني ياشامين واسيطه‌سي اوْلان اؤلوٍمو سيناماق. بو چکيشمه‌ده صنعت‌سل ياراديجيليغا هئچ بير قوْنوم [جايگاه] يوْخ‌دور. باشقا سؤزله، بوردا کئفدن مقصد بدن چرچيوه‌سيندن داها آرتيغيني …

قیسا سئچمه‌لر: فوتوریزم ساواشی قوتسالاشدیریر

فوتوریزمین باشچیسی مارينئتتي دئییر: «بيز فوتوريست‌لر ساواشين غيرائستئتيک آنلاييشينا قارشي عصيان بايراغي قالديرميشيق. ساواش گؤزه‌ل‌دير. چوٍنکو گاز ماسکالاري، بيزي سيلکه‌له‌ين سس‌گوجلنديريجي‌لر [بلندگولار]، آفتوْمات‌لار، خيرداجا تانک‌لار ــ بونلارين هاميسي اسيرليييه دوٍشموٍش ماشين‌لار اوٍزه‌رينده انسان موتلولوغونو برپا ائديرلر. ساواش گؤزه‌ل‌دير، چوٍنکو توٍفنگ‌لري، تو‌‌پ‌لاري، مين‌آتيلان‌لاري، عطيرلري، چوٍروٍنتو قوْخولاريني سمفوْنيا گؤرکمينده بيربيرينه جالايير. ساواش گؤزه‌ل‌دير، چوٍنکو يئني معمارليق‌لاري يارادير. …

قیسا سئچمه‌لر: دیل یالنیز اونسییت واسیطه‌سی دئییل

دیله سادەجه بیر اونسییت واسیطه سی کیمی باخیلمامالیدیر. ایراندا بعضن بئله فیکیرلر سسلنیر کی، نه ایستییرسینیز؟ بیر رسمی دیل وار، بونونلا دا اینسانلار ایستەدیکلرینی ایفاده ائدیر. آما، منیم باخیشیمدا بو دوزگون دئییل. چونکی، دیل تامامی ایله بیزیم وارلیغیمیزا تاثیر بوراخیر و هایدئگئر دئمیشکن، وارلیغیمیزین ائویدیر. بیز باشقا بیر دیلده کایناتدا اولدوغوموزو، وارلیغیمیزین ائوینده اولدوغوموزو حیس …

قیسا سئچمه‌لر: یاشامین چيرپينديغي هر يئرده، ديلين ايزي وار

دیل ده داخیل اولماقلا اینسانین وئریلی [داده شده] فئنومئن‌لره اؤیونمه‌سی [فخر ائتمه‌سی] منطقیسیزلیک‌دیر. اونون هاردا آنادان اولماسی، هانسی قبیله و یا اولوسا باغلی اولماسی، هانسی دینه قوللوق ائتمه‌سی اوندان آسیلی دئییل، ایسته‌‌‌مه‌دن اونا وئریلمیشدیر. اخلاقی باخیمدان، بونلاری اوستونلوک، اؤیوش و آیری‌سئچکی‌لیک اؤلچوسونه چئویرمه‌یین آنلامی یوخدور. چونکو اونلارین قازانیلماسیندا اینسانین أمه‌یی یوخدور. آنجاق فلسفی باخیمدان، بو …

قیسا سئچمه‌لر: دیل دوشونجه‌نی اوره‌ته‌رک گلیشیر

بعضن بئله بیر سؤز سسله‌نیر: اؤنجه دیلی اینکیشاف ائتدیرمه‌لی، سونرا دوشونمه‌یه باشلامالیییق. بو اؤن‌سانیم [پیش‌فرض] یانلیش‌دیر. دیلی دوشونجه‌دن اؤنجه گلیشدیرمک ماراغی، دیله بایاغی باخیشدان ایره‌لی گلیر. دیلین یالنیز دوشونجه آراجی اولماسی تصوووروندن. حالبوکی دیل‌له دوشونجه دیالئکتیک ایلگی‌ده‌دیرلر. اونلاری عین زاماندا بیربیری‌نین ایشیغیندا، بیربیری‌نین یاردیمی ایله گلیشدیرمک اولار. مشق آپاراراق، یوخلاما-یانیلما سوره‌جینده اونلاری ایره‌لی گؤتورمک اولار. …

قیسا سئچمه‌لر: باکی موسکوانین ایالتی‌دیر

آنلام یاراتما سیستئمی باخیمیندان باکی هله ده موسکوانین ایالتی‌دیر. اونون حاشییه‌سینده نفس آلیر، اونون کیمی دوشونور، بو دوشونجه‌لر ایسه روسوفیل مدنیتین ایم‌لر توپلوسوندا تظاهر ائدیر. شهوتله شراب بونون أن آیدین ایفاده‌سی‌دیر. روسوفیل دوشونجه اوربیتی چرچیوه‌سینده “اولوسال من‌لیک” ادعا‌لاری جفنگیاتدان باشقا بیر شئی دئییل‌دیر. آلت بیلینجی سووئت کئچیمشی اؤزلمیندن دولوب داشان توپلومون او کئچمیشدن سییریلماسینا دایر …

قیسا سئچمه‌لر: حقیقت و رئاللیق [واقعیت]

بادیو حقیقتی رئاللیقدان فرقلندیریر. رئاللیق ایندیکی دوروم‌دور، حقیقت ایسه ایده‌آل وضعیته عایددیر. او، بیلگینی یالنیز مؤوجود دوروم‌لا ایلگی‌لندیریر: بللی اینتیظام اوزره اینکیشاف ائدن یاشام، گله‌نک‌لر، یارانمیش اینجه‌صنعت أثری، رسمی قونوم قازانمیش دوشونوش طرزی، اوتوروشموش دیل. بونلار رئال‌لیق‌لاردیر، بیلگی بونلارا عایددیر. حقیقت آنجاق باش وئره‌جک اولایدان باش قالدیریر: یئنی دوٍشوٍنجه‌دن، گؤزلردن آنسیزین جوشان سئوگیدن، ایندیجه دوغا‌جاق …

قیسا سئچمه‌لر: آذربایجان تورکجه‌سینه قارشی چئوریلیش 1937 ده باش وئردی

آذربایجان جومهوریتینده یالانچی ضرورته چئوریلمیش ایندیکی دورومون آناجیزگی‌لری سؤیلم‌سل بیچیمده اؤتن یوز ایللییین ۳۰-جو ایل‌لرینده چکیلدی. سونوجدا اؤز دوشونجه جوغرافیاسیندان قوپموش قوندارما “آذربایجان دیلی” یاراندی. م. قاسیمووون درید‌ن قابیدان چیخا‌راق جالاق [چند رگه] بیر دیل‌له سؤیله‌دیک‌لری سؤزومون آیدین ثبوتودور: «آذربایجان دیلی ایندیه‌دک روس دیلی واسیطه‌سی ایله سای‌سیز حساب‌سیز عملی‌ـ‌تئکنیکی، اجتماعی‌ـ‌سیاسی و باشقا تئرمین‌لرله تکمیللشدیریلمیشدیر. آذربایجان …

قیسا سئچمه‌لر: ایمپئراتورلوق دیلی

آنتونیو نئگری و مایکل هارتین نظرینجه، [چاغداش] ایمپئراتورلوق دؤنمینده قودرتین هئچ بیر مرکزی یوخ‌دور. چاغداش ایمپئراتورلوقدان مقصد گله‌نک‌سل ائورن‌سل دؤولت دئییل، گلوباللاشمانین رمزی ساییلان ائورن‌سل گوج‌دور. بو گوجون اینتئرنئت کیمی بللی مرکزی یوخ‌دور. ایقتیدار تئریتوریاسی ایسه واشینگتون‌دان سیدنی‌یه و یوهانسبورگ‌دان موسکوایا قده‌ر بیر اراضییه شامیل‌دیر. حؤکمدارلار ایسه اوباما و یا پوتین دئییل، تویوتا، أپل، ژیللئت، …

قیسا سئچمه‌لر: قایناق اؤزلمی [حسرت منشأ]

بیر چوخ اینسان‌لاردا “قایناق اؤزلمی” وار. بو نه‌دیر؟ ایستر دینی، ایسترسه ده لاییک خاراکتئرلی “اوریژینال قایناق origin، منشأ source، کؤک root و یا باشلانغیج beginning” حسرتی بوردان گلیر: گومان ائدیلیر کی، حقیقتین قایناغی یالنیز کئچمیشده‌دیر. گومان ائدیلیر کی، فئنومئن‌لرین آرخاسیندا سرّلر گیزله‌نیب. سون مقامدا او سرّی، او قایناغی اؤیرنمه‌دن فئنومئن‌لری تانیماق اولماز. لاکین فئنومئن‌لرین آرخاسیندا …

قیسا سئچمه‌لر: کوتله‌، وطنداش و دیل

یونان دوشونجه‌سینده کوتله‌نین چئشیدلی آدلاری واردیر: “اوخلوس” بیچیمسیز قارماقاریشیق کوتله‌یه دئییلیر. “دئموس” ایسه بعضی فرقلی‌لیک‌لرینه باخمایا‌راق دئموکراتیکجه ایداره اولونان بو گونکو وطنداش توپلومو [جامعه‌ی مدنی] ایفاده ائدیر. ژاک رانسیئره گؤره، دانیشان حئیوانین باشلیجا اؤزللییی دیلی آنلاماقدا دئییل، بونو اوشاق‌لاردا باجاریر، دیلین اوره‌تیمینده‌دیر. دیلین نیظاملانماسی ایله دئموس و وطنداش یارانیر، بوندان اؤنجه بیچیمسیز کوتله واریدی. رانسیئر …

قیسا سئچمه‌لر: دیل دوشونجه‌نین بئشییی

اینسانین دوشونجه‌سی دیلده باش وئریر. هابئله، اینسانین وارلیغی دیلده گئرچکلشد‌ییی زاماندان او، باشقا جانلی‌لاردان سئچیلمه‌یه باشلاییر. أرسطو اینسانین حئیوان‌لارا اوستونلویونون باشلیجا ندنینی “نیطق”ده گؤردوکده یانیلمیر. اینسان دانیشان حئیوان‌دیر. بیر آز اوزاق‌لارا گئتسک، دیل نه اینکی اونون دوشونجه‌سی‌نین، بلکه وارلیغی‌نین دا ائوی‌دیر. مارتین هایدئگئره گؤره، «دیل دازاینوارلیغی‌نین واسیطه‌سی و یا اینساندان آسیلی اولان بیر آراج دئییل. …