من ده وطن خاینییم | ایواز طاها

ناظیم حئکمت‌‌ین ایذنی ایله   أوَت، من ده وطن خاینییم. سیز وطن‌پرورسینیز، سیز یوردسئورسینیز، من یورد خائنی، من ده وطن خاینییم. وطن تارلالارینیزسا، داغ أته‌یینده دینجلمه‌سارای‌لارینیزسا، پول‌صاندیقلارینیزسا، دسته‌چئک‌لرینیزسه، میلیاردلارجا یولسوزلوق‌دورسا، وطن؛ وطن جایناق‌لاریسا آغالارین، یوخسوللوق‌دورسا نئفت قویولاری چئوره‌سینده، فهله‌لرین‌ قابار ألی گؤره‌و-لی‌لرین قابار آلنی‌دیرسا وطن، من ده وطن خاینییم! شوسه یول‌لار اوزونو آجلیقدان گبرمک‌، قیزدیرمادان …

شعر | احمد شاملو | ایواز طاها

فیرتینادان داها دیدرگین یاشادیم هانسی‌سا بیتکی‌نین گؤیرمه‌دییی اؤلکه‌ده. آی سوزه‌رک گئدن چئویک‌لیک! آیاق‌لاریمین آخساقلیغی یولونوزون کله‌کؤتورلویوندن ایدی. _______________ در به درتر از باد زيستم در سرزمينى كه گياهى در آن نمى رويد. اى تيز خرامان! لنگى پاى من از ناهموارى راه شما بود.

وطن | نزار قبانی | ایواز طاها

بو نئجه وطن‌دیر کی، نه قادین گؤزلری‌نین گیزم‌لرینی درسلیک‌لره بوراخیر نه ده سئوگی‌نین رمزینی. بو نئجه وطن‌دیر کی، دؤیوشور بولودلا یاغیشلا. قادین کؤکسو باره‌ده دوسیا آچیر قیزیل‌گولو ایستینطاغا چکیر. ـــــــــــــــــــــــــ گیزم: راز /درسلیک: کتاب درسی /دوسیا: پرونده /کؤکس: سینه /ایستینطاق: بازجویی.

اوغول | پابلو نئرودا

نئرودانین ”اوغول“ باشلیقلی گؤزل شعرینی ”سالام ساروان“ روسجادان چئویرمیش، من ده شعرین اینگیلیسجه متنی اساسیندا اوندا أل گزدیرمیشم. بونجا سیاسی های‌کوی ایچینده بو شعر روحو بیر آنلیق دورولدا بیلر. ایواز طاها هئچ بیلیرسن‌می، اوغلوم، بیلیرسن‌می هاردان گلمیسن بیزه؟ آج‌یالاواج آغ قاغاییلی اوزاق گؤل‌دن گلمیسن. اونونلا من قیشدا سو کناریندا قیپ‌قیرمیزی تونقال قالادیق: روحوموزو اؤپن دوداق‌لاریمیزا …

شعر | ائمیلی برونته | ایواز طاها

منیم‌له یورو، اولا بیلسین کولک داها بیزیم اوچون بئله‌جه أسمه‌سین. اولا بیلسین آرتیق اولدوزلار بیزیم اوچون بئله‌جه سایریشماسین. منیم‌له گل، پاییزدان اؤنجه، قان دنیزلری بیزی آییرمازدان اؤنجه، و سن سئوگینی اؤز اوره‌یینده اوچوروب داغیتمادان، من ایسه اؤز اوره‌ییمده…

شعر | ریچارد براتیگان | ایواز طاها

بیر سؤزجوک سؤزجوک‌لر چیغینا* چئوریلیر هانسی‌سا قادینی گؤزله‌دییین واختدا. قونشولاردان اودون آلماغا هاوا هله‌لیک یئترینجه سویوق دئییل. ____________ * قار اوچغونو، بهمن، avalanche

شعر | خسرو گلسرخی | ایواز طاها

منیم لیلام همیشه پنجره آرخاسیندا یوخویا دالیر دان سؤکولرکن قولسوز گله‌جه‌ییمی یاخشی آنلاییر، آنجاق منده آرتیق پنجره‌نی آچماغا بیر گوج یوخ. __________ لیلای من همیشه پشت پنجره می‌خوابد و خوب می‌داند که من سپیده‌دمان بدونِ دست می‌آیم و یارای گشودن پنجره با من نیست.

سنین وارلیغیندان هاچان قورتولاجاغام | نزار قاببانی | ایواز طاها

سنی گئریده بوراخا بیله‌جه‌ییمی آخماقجا سانیردیم؛ آچدیغیم هر چاماداندا سن واریدین؛ گئیدیییم هر بیر کؤینک سنین قوخونو داشیییردی؛ سنین شکلینه یئر وئرمیشدیلر دونیانین بوتون گونده‌لیک قزئت‌لری؛ هانسی‌سا تئاترا گئتدیمسه یانداکی اوتوراجاقدا سنی گؤردوم؛ آلدیغیم هر عطرین صاحیبی سن اولدون؛ بس هاچان؟ بس هاچان سؤیله سنین وارلیغیندان یاخا قورتاراجاغام منه همیشه یولداش یولچو! ____________ والئنتاین گونو …

وارلیغیندان قورتولاجاغام‌می | نزار قاببانی | ایواز طاها

سنی گئریده بوراخا بیله‌جه‌ییمی آخماقجا سانیردیم؛ آچدیغیم هر چاماداندا سن واریدین؛ گئیدیییم هر بیر کؤینک سنین قوخونو داشیییردی؛ سنین شکلینه یئر وئرمیشدیلر دونیانین بوتون گونده‌لیک قزئت‌لری؛ هانسی‌سا تئاترا گئتدیمسه یانداکی اوتوراجاقدا سنی گؤردوم؛ آلدیغیم هر عطرین صاحیبی سن اولدون؛ بس هاچان؟ بس هاچان سؤیله سنین وارلیغیندان یاخا قورتاراجاغام منه همیشه یولداش یولچو!

فینجان اوخویان قادین | نزار قبانی | ایواز طاها

اوتوردو [فالچی قادین]، قورخو گؤزلرینده‌جه چئوریلمیش فینجانیما دونوخدو «اوغلوم غم چکمه، سئوگی سنین آلنینا یازیلیب»- دئدی. «سئوگیلیسی یولوندا اؤلن کیمسه شهید ساییلیر. بیر چوخ فالا باخمیشام، طالع‌لری یوخلامیشام سنین فینجانینا بنزه‌ر فینجان اوخومامیشام بیر چوخ فالا باخمیشام، طالع‌لری یوخلامیشام سنین آجی‌لارینا بنزه‌ر آجی‌لار گؤرمه‌میشم. سئوگی دنیزینده یئلکن‌سیز أبدی یولچولوق آلین‌یازین‌دیر سنین. عؤمور بویو حیاتین ایسه …

شعر | شاهین جانپاک | ایواز طاها

قادین‌لار کیشی‌لرله برابر اولماغا چالیشیر، نه قده‌ر یئرسیز، نه قده‌ر آنلاشیلماز چالیشمادیر دونیانی اودا، موحاریبه‌یه چکمیش ائوره‌نین پارتلاییش آچارینی الینه آلمیش کیشی‌لرله برابر اولماق. بئله اولماز باشقا چاره قیلمالی… بلکه أن یاخشیسی کیشی‌لرین قادین‌لارلا برابر اولماسی‌دیر! تاریخین شاختالی گئجه‌لرینده باریش رؤویاسیندا اویموش قادین‌لارلا برابر اولماق…!

دووشان | تئودور دوبانویل | ایواز طاها

باخ، بيز قلمدن، كيتابدان خبرسيز كيچيك دووشان‌لاريق، دونيانين وار- دؤولتندن طبيعيتن بيزه باغيشلاديغي بيرجه نعمت يالنيز بير يون‌آياق قابي‌دير. نه داستايئوسكيني اوخوماقلا لووغالانيريق، نه‌ ده پسيخولوگييا كوركونو گئيينیريك. بيز كيچيك دووشان‌لاريق. آياق‌قابيميز يون‌‌دور. قولتوغوموزدا دفتريميز يوخ، هئچ نه‌يي قئيد ائتميريك. داها اوره­‌ييميز ‌جناب كانت اوچون دؤيونمور. اونون چوروك ايدئآلي كؤنلوموزو اوخشامير. ناغيل‌باز لافونتئن باره‌ده بيز …

شعر | سابیر هاکا | ایواز طاها

  اؤلورسم بیر گون سئودیییم کیتاب‌لاری گؤتوره‌جه‌یم اؤزوم‌له دولدوراجاغام قبریمی سئودیییم آدام‌لارین شکلی ایله. خیرداجا بیر داخمام اولدوغوندان سئوینجک اوزانیرام، گله‌جکدن قورخو کئچیرمه‌دن، سیگارئت آلیشدیریرام، باغریما باسماق ایسته‌دیییم بوتون قیزلار اوچون آغلاییرام. نه یازیق، هر لذت ایچینده بیر قورخو گیزلنمیش قورخو بودور: سحر ائرکن کیمسه سنین چییین‌لرینی سیلکه‌له‌ییر، سابیر قالخ گئده‌ک ایشه!

موتلو سئوگي يوخدور | لويي آراگون | ایواز طاها

هئچ شئي الينده دئييل اينسانين نه گوجو، نه گوجسوزلويو، نه ده اوره‌­يي آچديغيني سانسا دا قول­لاريني، کؤلگه‌­سي بير خاچ­دير اونون پارام پارچا اولور اووجوندا برک­برک توتدوغو موتلولوق. بير اؤزگه، بير آجي بوشلوق­دور گون­‌لري، بير باشقا طالئع اوچون گئيينديريلميش                               ياراقسيز عسکرلره                                              بنزه­‌ر حياتي آخشام‌­لار چاره­‌سيز، سارسيلميش قالديقدان سونرا نه­‌يه يارارکي صاباحدان ائرکن اويانمالاري. …

شیرکو بیکئس’دن دؤرد شعر | ایواز طاها

1 ماهنی‌لاریمدان گولو قوپارسالار بیر مؤوسیم اؤله‌جک سئوگینی آلسالار ایکی مؤوسیم اؤله‌جک چؤره‌یی سالسالار اوچ مؤوسیم اؤله‌جک. آنجاق اؤزگورلویو، منیم ماهنی‌لاریمدان اؤزگورلویو آلسالار ایل، بوتون ایل اؤله‌جک. 2 داغ شاعیردیر آغاج، قلم دوزن‌لیک، کاغیذ ایرماق، سطیر داش، نؤقطه و من شاشقینلیق علامتی! 3 گؤیون گؤزلری اؤنونده بولودو بولودون گؤزلری اؤنونده یئلی، یئلین گؤزلری اؤنونده یاغیشی …

سونرا يئر ديللندي | احمد شاملو | ايواز طاها

سونرا اوْ زامان يئر ديللندي؛ و اینسان، يورغون، يالغيز، دالغين، هانسي‌سا داشين اوستونده اوتورموشدو اؤز  ايش­ـ گوجوندون كورپئشمان. و ديله گلميش يئر، اونونلا بئله دانيشيردي: چؤره‌ك وئرديم سنه من؛ قويون‌لارينا، اينك‌لرينه آلاغ؛ و چؤره‌يينه قاتيق ائده‌جه‌يين گؤيرتي‌نين كؤيره‌ك يارپاق‌لاريني. اینسان: بيليرم­ــ دئدي. سونرا یئر سؤیله‌دي: چئشيدلي سس‌لرله سؤيله‌ديم سؤزومو سنه من: كولك‌له، بولاق‌لارين داش‌لاردان جوشماسييلا، شلاله‌لرين …

تاريخ‌چي‌نين سوچو | پاواوْ پاويسيج | چئویرن: ایواز طاها

قوْرخو حؤكم سوٍره‌ن زامان‌لار، كوتله‌وي  ياخالامالار گوٍنده‌ليك وظيفه كيمي قارشييا قويولدو. چوخ‌واخت بو ايشه گئجه‌لر قاتلاشيرديلار. اوٍزوـ اؤرتولو ياراقلي بؤلوک­‌لر [دسته‌لر]، قاپيني دؤيه‌ره‌ك ائو يييه‌سينه، گؤزو يوخولو حالدا پالتاريني گئيينمه‌سيني أمر ائديرديلر. سوْنرا اوْنو شهرين هر يئرينده گؤبه‌لك كيمي بيتمكده اولان خيرداجا زيندان‌لارا آپاريرديلار. گوزه‌تچي‌لر بعضَن بوٍتون عايله اوٍيه­لريني بيرگه ياخالايير، اؤزلرييله آپاريرديلار؛ بؤيوٍك ننه‌ني …

تاپماجا | احمد مطر | ایواز طاها

احمد مطر كيمي سياسي شاعيريميز آز اولدو، أن ياخشي بول بول ايدئولوژيك شعريميز اولدو. مطرین اوسلوبونا بیزده یالنیز سالام ساروان بیر آز یاخینلاشدی، او دا کؤنوللوجه‌سینه میناره‌لرله نئفت قویولاری آراسیندا شاعیرليینی ایتیرمه‌یه چالیشدی: سؤز اویون‌لاریندا ایچیم‌له بیچیمین [مضمون‌لا فورمانین] بیر یئرده قوربان وئریلمه‌سینه. بیر ده‌ کی، هئچ بیر شعرچئویرمه‌سی اؤزگون متنین دادینی وئرمیر. جمیل مئریچ …

قوش | ويلهئلم بوش | ایواز طاها

  بوداقدا بير قوش قاناد چالير، يووا‌سيز قالماق ايسته‌مير قارا پيشيک سس‌سيزجه ايتي جايناق‌لي، جهننم باخيش‌لي اينجه‌بويون قوشو اوْولاماقچون ديرماشير آغاجا اوخويور: بئله‌ديرسه آلين‌يازيمدا يئييلمک يازيليبسا بو آن غنيمت‌دير بير آن سونراياجان اوخوياجاغام چونکي ابدليک اوخوياجاغام منده بئله‌دير… بو قوش اؤلونجه گولدوره‌ن بيريسي‌دير. ____________________________________ عراق‌لي شاعير بختيار علي دئيير کي، بو قوش اؤلومونون قاچيلمازليغي ايله …

شعر | هؤلدئرلين | ایواز طاها

تانري نه‌دير، تانينماز بونونلا بئله آنجاق گؤيون گؤي بنيزي دولغون‌دور اونون اؤزه‌لليک‌لريله. دئمک ايلديريم‌دير، گؤي‌گورولتوسودور، اونون عظمتي، اؤفکه‌سي‌نين تجللاسي. ياخينلاشماغي قصد ائتديکجه داها دا گؤرونمزله‌شير ابدييت سئوگيسي، ائوجيک آرزوسو بيزيم نزديميزده تانري‌نين اؤزو.

شعر | راينئر ماريا ريلکه | ایواز

دونياني بير آرايا گتيرن يالنيز شاعيردير، بوتون نسنه‌­لرده اوچولوب داغيلان او اوزاق دونياني. گؤزه‌­للييي اينانيلمازجاسينا گؤسته­‌رير، چونکي هر نه‌­يه، اونو کده‌­رلنديرن‌لره بئله شنليک تؤره­‌ني قورور. او، چيرکينليک‌­لري خاراباليق­‌لاردان سيلير. و ائورنسلله‌شیر اؤله‌­زي.

دوشان | تئودور دوبانویل | ایواز طاها

باخ، بيز قلمدن، كيتابدان خبرسيز كيچيك دووشانلاريق، دونيانين وار- دؤولتندن طبيعيتن بيزه باغيشلاديغي بيرجه نعمت يالنيز بير يون‌آياق قابي‌دير. نه داستايئوسكيني اوخوماقلا لووغالانيريق، نه‌ ده پسيخولوگييا كوركونو گئيينیريك. بيز كيچيك دووشانلاريق. آياق قابيميز يون‌‌دور. قولتوغوموزدا دفتريميز يوخ، هئچ نه‌يي قئيد ائتميريك. داها اوره­‌ييميز ‌جناب كانت اوچون دؤيونمور. اونون چوروك ايدئآلي كؤنلوموزو اوخشامير. ناغيل‌ باز لافونتئن …

سيلينمه‌ين لكه | خوان بوْش | ایواز طاها

مندن اؤنجه كئچيب گئدن­‌لرين هاميسي باش­‌لاريني وئرميشديلر. من بو ‌باش­‌لاري قارشي ديوارداكي ويترين‌لرده اوزون سيرايا دوٍزولموش حالدا گؤرموٍشدوم. بو ويترين‌لرين ايچينه بولاشيق هاوانين سيزماديغيندان أمينم. دري‌لري‌نين آلتينداكي دامارلاردا قان آخما‌سا بيله، بو باش­لار تخمينَن ديري اولدوقلاري واخت‌ كيمي ماراقلي طرزده ساخلانيليرديلار. بو سرگي­‌ تاماشاسي‌­نين منده درين و گؤزله‌نيلمز قوْرخو اوياتديغيني بوْینوما آليرام. اورداجا بير آن …

كده‌ر يئلي | غلامحسين ساعدي | ایواز طاها

كوٍچه‌نين باشيندا يئرلشن بير تئلئفون كؤشكوٍنون [کيوسک] قاباغيندا جاماعات صف باغلاييب. هاوا سوْيوق‌دور. ياغيش ياغير. دؤزوٍم­سوٍز آدام­لار گؤزلريني كؤشكوٍن ايچينه زيلله‌ييب‌لر. دسته‌يي ألينه آلميش كيشي، تئلئفونلا دانيشير. توْختاق‌دير، كيمسه‌ني وئجينه آلمير. گوٍلور، اوغونوب كئچير. بير گيله سيگارئت چيخارير، آليشديريب يئنه ده دانيشيغا قيزيشير. ائشيكده‌كي آدام­لار تله‌سيرلر، سينيرلري گرگين‌دير. دئيينيرلر. صبري توٍكنميش بيريسي سيرادان چيخاراق كوٍچه‌دن …

شاعیرلييه باشلاماق اوچون اون گؤسته‌ريش | جواد مجابی | ایواز طاها

داش داشیماقدان دا چتین گؤره‌­ردیم شاعیرلییی. بیرجه شعر حاققیندا یازماغی شعردن چتین ساناردیم. آمما جواد مجابی­‌نین خیرداجا بیر یازی­سینی اوخودوقدان سونرا یانیلدیغیمی آنلادیم.  گؤبه­‌لک کیمی گؤیه­‌رن شاعیر قوشونونون سایی بونون دانیلماز بلگه­‌سی­‌دیر. بو سیز  بو دا شاعیر اولماق اوچون او جنابین اون گؤسته‌ریشی:    ـ تنقيد‌چي‌لري شاشیردان، عئيني حالدا اونلارين غرورونو سينديرمايان شئي‌لر يازين.       ـ …

ائي‌ سن‌! (پینک‌فلوید ماهنی‌لاریندان) / ایواز طاها

   ائی، باییردا اوشوین آدام  سن‌  كي‌  يالنيز  قالير،  قوجاليرسان‌،  مني‌  آنلاييرمي‌سان‌؟  ائي‌،  کئچيدلرده  دورموش‌  آدام‌،  قاشينان‌  آياقلارلا،  سولغون‌  گولوش‌لرله،‌  مني ‌ آنلايا بيليرمي‌سن‌؟