یاپماق کیمی زنگین بیر فعل بیزده اولدوقجا دارآنلامدا ایشله‌نیر: چؤرک یاپماق. بو ایسه بعضن قاورام‌لاری ایفاده ائتمکده بیزی یوخسول وضعیته سالیر. مثلن ایشین گئرچلشدیرمه‌سی ایستانبول تورکجه‌سینده ساده‌جه “یاپماق”لا ایفاده اولونارکن، بیز دولانباج بیر مئتودا أل آتمالی اولوروق: ایش گؤرمک، ایشه باخماق. توپلانتی کئچیرمک. حالبوکی بونلاری یاپماق فعلی ایله داها دقیق ایفاده بیله‌ریک.