سنی گئریده بوراخا بیله‌جه‌ییمی
آخماقجا سانیردیم؛
آچدیغیم هر چاماداندا سن واریدین؛
گئیدیییم هر بیر کؤینک
سنین قوخونو داشیییردی؛
سنین شکلینه یئر وئرمیشدیلر
دونیانین بوتون گونده‌لیک قزئت‌لری؛
هانسی‌سا تئاترا گئتدیمسه
یانداکی اوتوراجاقدا سنی گؤردوم؛
آلدیغیم هر عطرین
صاحیبی سن اولدون؛
بس هاچان؟
بس هاچان سؤیله سنین وارلیغیندان یاخا قورتاراجاغام
منه همیشه یولداش یولچو!