“قورشون هاردان آچیلدی” رومانی حاققیندا قیسا بیلگی

ایواز طاهانین «قورشون هاردان آچیلدی» آدلی کیتابی بیر پووئستی ائحتیوا ائدیر. عرب الیفباسی ایله یاییلمیش بو کیتابین قیسا متنی 1998-‌جی ایل “دیری مئییت” باشلیغی آلتیندا باکیدا چیخان “جاهان” درگی‌سینده درج ائدیلمیشدی. بونونلا بئله، کیتابین ایندیکی متنی تام فرقلی بیر بیچیمده یازیلمیشدی.کیتابین بیرینجی باسقیسی 2006ـجی ایلین یاییندا آز ساییلی نوسخه‌لرده باکی شهرینده چاپ ائدیلمیشدی. ایکینجی باسقیسی ایسه 2007جی ایلین باشلانغیجیندا 1500 نوسخه‌ده تبریز شهرینده چاپدان چیخمیشدی.

 

“یول”، “جاهان” و “یارپاق” نشر اورگان‌لاری ایله یاناشی ایکی کیتاب ایواز طاها شؤهرتی‌نین تمل‌داشی‌دیر. بیری، “قورشون هاردان آچیلدی”، او بیریسی ایسه “شعر وارلیغین ائوی‌دیر”. باخمایاراق کی، آدلاری سرّ کیمی ساخلاناراق یاییلمامیش کیتاب‌لاری‌نین داها ائتکیلی اولاجاغینا اینانیر. کیچیک حجملی رومان ژانریندا یازیلمیش بیرینجی کیتاب، تکنیکی و بدیعی اؤزه‌للیک‌لری ایله یاناشی ساغلام بیر نثر دیلی سرگیله‌ییر. گونئی آذربایجان بدیعی نثری‌نین قیتلیغیندا بئله بیر کیتاب گونئی نثر مدنیتی‌نین گلیشمه‌سینده ائتکی‌سیز اولمایا بیلمزدی.

 

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *