آنگلوساکسون دونياسيندا فوتوريزمين يوموشالميش فورماسي ايدي. 1912دن باشلاياراق ساواشين سونونادک دبده اولان بو آخيمين آماجي، شعري ساده‌لشديرمک ايدي. بو گروپون أن آدليم شاعيري ائزرا پاوند، 1913ـ‌د‌ه ايمگه‌‌چي‌لرين ايلک باخيشلاريني “بير نئچه يوخ”[1] باشليغي آلتيندا درج ائتديردي.
1909ـجو ايلده اينگيليس فيلوسوفو و شاعيري تي. گي. هيوم T. G. Hulme ايمگهچي گروپونون تمل‌داشيني قويدو. سوهو Soho آدلي چايخانايا توپلاشان گروپدا پاوند دا واريدي. بو آخيم، سونرالار فاشيزم جارچيسي اولموش ائزرا پاوندون آدي ايله باغلي اولسا دا، سرت و کوبود هيوم باشدا ايدي. او، گله‌نک‌لري وئجينه آلميردي. اونون فيکرينجه، شعر، بيرنَسَقليک، آنلاشيلمازليق، عاغيلسيزليق، و رومانتيکانين دوزسوزلوغوندا ايتميشدي. اونو قورتارماق گره‌کيردي. شعر يئني قورال‌لارا آجيميشدي. هيوم ساواشدا اؤلدو، پاوند ايله ائليوت آخيمين باشيندا دايانديلار. پاوند «بير نئچه يوخ» آدلي شعرينده ايمگه‌ني «دويغو و دوشونجه دوٍيونو» Complex کيمي تعريفله‌ييردي. او، ايمگه‌ني شعرين باشليجا بوياسي آدلانديريردي. بو دا چين و ژاپون شعري ايله تانيشيليغيندان گليردي بلکه. اونون ليريک قطعه‌لري آيدين ايمگه‌‌لرله ايزله‌‌نير.
___________________
[1] بو اثرلر شيکاگودا چيخان “شعر” درگيسينده “بير نئچه يوخ” A Few Don,ts باشليغي آلتيندا درج ائديلميشدي.
ایواز طاها