گونئی آزربایجانین أدبی دیلینده بؤیوک جانلانما وار. بو گئدیشده دیلله یئترینجه تانیشلیغین یوخلوغوندان دولایی گئنیش یانلیش‌لیق‌لار بوراخیلیر. بونون اوچون گونئی یازارلاری رئسپوبلیکا‌نین رسمی دیلینی دقیق اوخوما‌لیدیرلار. گونئی دیل باخیمیندان قوزئیه مؤحتاج‌دیر. آنجاق بیزده موًثبت مقام دا وار–طنطنه‌لی دیلدن اوزاقلاشماق. بیز آذ تی‌و‌ی‌نین یاری روس، یاری فارس تورکجه‌سینی قوللانماقدانسا دوغما سؤزلره اوًستونلوک وئریریک. “داخیل اولماق” یئرینه “گیرمک”دن اوتانمیریق. “ایمتیناع ائتمک”، “تقدیم ائتمک”، “موحاریبه ائتمک”دنسه “چکینمک”، “سونماق”، “ساواشماق” دئییریک. (گؤرون ایکینجی سیرا‌داکی دؤغما سؤزجوک‌لر نه قده‌ر قیسا، آیدین و گؤزل‌دیر.) بیز “ایش‌گوًذار”، “اینسان‌پرور”، “اینتئنسیو‌لشدیرمک” کیمی بیج سؤزلری یاخینا بوراخمیریق. بیز منفی آنلام داشییان “توًرکون مثلی” دئییمینی تاریخه گؤممکده‌ییک.
رسمی دیل زامان آخاریندا تام جالاقلاشیب. اؤرنه‌یین، “م‌س‌کا-یا دئپوتات‌لاری جزالاندیرماق حقوقو وئرن لاییحه پارلامئنتین پلئنار ایجلاسینا توصیه اولونوب”* جوًمله‌ده‌سینده یالنیز ایکی دوغما سؤز وار. دیل اولدوقجا اؤنملی، عینی حالدا قورخونج فئنومئن‌دیر. دیلین بئله چالاری سووئت‌دن قالما‌دیر. اونون اوزه‌رینده تام مودئرن بیر توپلوم دیکلتمک موًمکون دئییل. ضیا گؤک‌آلپا گؤره “عوثمانلی تورکجه‌سی اوزه‌رینده دؤولت-میللت قورولوشو یاراتماق اولمازدی”. ایلگیلی قوروم‌لار آذربایجان توًرکجه‌سی‌نین جالاقلیق پروبلئمینه چؤزوم یولو آختارما‌لی‌دیرلار.
__________
* جوًمله‌نین قایناغی: آزادلیق.آذ سایتی‌دیر.
** MSK مرکزی سئچکی کومیته‌سی.
رسمی دیل زامان آخاریندا تام جالاقلاشیب. اؤرنه‌یین، “م‌س‌کا-یا دئپوتات‌لاری جزالاندیرماق حقوقو وئرن لاییحه پارلامئنتین پلئنار ایجلاسینا توصیه اولونوب”* جوًمله‌ده‌سینده یالنیز ایکی دوغما سؤز وار. دیل اولدوقجا اؤنملی، عینی حالدا قورخونج فئنومئن‌دیر. دیلین بئله چالاری سووئت‌دن قالما‌دیر. اونون اوزه‌رینده تام مودئرن بیر توپلوم دیکلتمک موًمکون دئییل. ضیا گؤک‌آلپا گؤره “عوثمانلی تورکجه‌سی اوزه‌رینده دؤولت-میللت قورولوشو یاراتماق اولمازدی”. ایلگیلی قوروم‌لار آذربایجان توًرکجه‌سی‌نین جالاقلیق پروبلئمینه چؤزوم یولو آختارما‌لی‌دیرلار.
__________
* جوًمله‌نین قایناغی: آزادلیق.آذ سایتی‌دیر.
** MSK مرکزی سئچکی کومیته‌سی.
ــ بو یازی‌نین دورتوسو راسیم قاراجانین بیر ایستاتوسون‌دان گلدی.
ــ بو یازی لاتین گرافیکاسی ایله فئیسبوک صحیفه‌م‌ده یئرلشدیریلیب. اورداکی موباحیثه‌لره قاتیلماغینیز منیم اوًچون یارارلی اولا بیلر.
ــ بو یازی لاتین گرافیکاسی ایله فئیسبوک صحیفه‌م‌ده یئرلشدیریلیب. اورداکی موباحیثه‌لره قاتیلماغینیز منیم اوًچون یارارلی اولا بیلر.