تبریزده ایکی چیخیش و بیر وورکشاپی گئرچکلشدیرمک اوچون منه ایمکان یاراندی. وورکشاپ 21 دی تاریخینده خط سوم درنه یی نین دعوتی و سایین اولکر اوجقار، رسول اسمعلیلیان و مرتضی طوسینین زحمتی و ٱمه یی سایه سینده گئرچکلشدی. “دوشونجه آفتلری” باشلیغی آلتیندا کئچیریلمیش بو وورکشاپدا ایکی موضوع اینجه لندی:
1. “یارلیق و اؤزچولوک/ برچسب و ذاتگرایی”
2. “سیاست، سیاسال و پولیس”.

بیرینجی چیخیشیم جوما گونو 22 دی آب و مشاغل موزه سینده “سئوگی دئوریمی/انقلاب عشق” باشلیغی آلتیندا کئچریلدی. بو توپلانتینی موزه نین بانیسی سایین سرابی اقدمین زحمتینه بورجلویام.

“ناغیلدان عاغیلدا/ میتوسدا لوگوسا” باشلیقلی اوچونجو چیخیش همین گون ساعات 16-دان 20-ه قدر ائل بیلیمی درنه یینده باش توتدو. بو چیخیشی دا سایین علیرضا صرافی لوطفونه، سایین سوسن نواده رضی نین زحمتلرینه و سایین گونش امانی نین امکداشلیغینا بورجلویام.

هر اوچ مراسیم قاتیلیمچیلارین جدی و اؤنملی سورولاری، رٱی بیلدیرمه لری و تنقیدلری ایله موشایعت اولوندو.

بو تدبیرلرین باش توتماسیندا ٱمه یی اولان و چیخیشا قاتیلمیش بوتون دوستلارا ایچکین تشککورلریمی بیلدیریرم. بو آرادا اورمو، کومیجان، مییانا، ماراغا و مرنددن زحمته قاتلاشاراق تشریف گتیرمیش سایین دوستلاردان ایکی قات تشککور ائتمه لییم.

ایواز طاها