اینگیلیسجه century سؤزونون آنلامی رسمی دیلده “عصر”، آنادولو تورکجه‌سینده “یوز ایل” فارسجادا ایسه “قرن، سده”دیر. “عصر” سؤزونون فارسجا معناسی بام باشقا‌دیر. اؤرنه‌یین، “عصر آتوم” ترکیبی، بیزده “آتوم دؤورو” یا “آتوم دؤنمی” کیمی سسله‌نیر. بو سؤزون اینگیلیسجه قارشیلیغی age‌دیر. بونونلا بئله، بیز century سؤزونون قارشیلیغی اولا‌راق “یوزایللیک” ایصطیلاحینی اؤنه‌ریریک، age سؤزونون قارشیلیغی اولا‌راق ایسه “دؤنم” سؤزونو قوللانیریق:

ــ 21ـ‌جی یوزایللیک  XXI  century، عاغیل دؤنمی  Age of reason

هابئله اورتاچاغین بیرینجی یاریسی و یا بوتونو بعضی قایناق‌لاردا “ایمان”، بعضی‌لرینده ایسه “قارانلیق” صیفتی ایله آد چکیرلر:

ــ ایمان دؤنمی  Age of faith، قارانلیق دؤنم‌لر  Dark ages

ایواز طاها