“نئجه یازاق” کیتابیندان

آنا، ايضاحلي لغتـه گؤره، اولادي اوْلان قادينا دئييلير. دؤرد آي واردي آنانين گؤزلري يوْل چکيردي. (ث.رحمان) ياشلي قادينا سايقي ايله مراجعت ائتمک، مجازي آنلامدا بير شئيين أساس بؤلوٍمو، مرکزي و کؤکو ده آنا سؤزوٍ ايله افاده اوْلونور: آناديل، آناياسا. بوٍتون آنا و قوْل آرخ‌لاريميز تميزله‌نيب قايدايا سالينميشدي.

آذربايجانين بعضي بؤلگه­‌لرينده بو سؤزجوٍيون يئرينه ننه افاده‌سي ايشله­‌نيلير. آنجاق ننه، يازيلي أدبياتدا عموميت‌له آتانين و آنانين آناسينا دئييلير. ننه، آتانين آناسي و يا نوه‌سي اوْلان قادينا دئييلير. هردن ده حؤرمتلي و يا ياشلي قادينا سايغي ايله مراجعتده سؤيله­‌نيلير. فارسجادان ائتکي‌له­‌نه­‌رک بعضي يئرلرده ننه­‌نين يئرينه «بؤيوٍک ننه» ایفاده­‌سي ايشله­‌نيلير.

يازيلي أدبياتيمزدا اولادي اوْلان قادينا  آنا، و نوه­سي اوْلان قادينا ننه دئمک گره­‌کير.

ایواز طاها