“نئجه یازاق” کیتابیندان
ـ بيلدي کيم خاک ره اوْلدوم أته‌يين توتماق ايچوٍن، گؤتوٍره‌ر دوٍشمه‌يه قوْيماز يئره عمدن أته‌يين. (م. فضولي)
ـ دومانلي بو شهرده، آغلايير سنين ايچين، ايچين‌ايچين قبير داش‌لاري. (مجهول شاعير)
ـ ائي کؤوثر اوٍچون آه چکن زاهدِ ابله؛ ميخانه‌ده گل گؤر اوْنو پيمانه‌لر ايچره. (أ. نباتي)
يوخاريداکي جمله‌لرده عيني سؤزجوٍک «اوٍچون، ايچين و ايچوٍن» يازيليب، بونلارين هانسي دوٍزگون‌دوٍر؟
“سس اويوشما” قانونو گؤز اؤنوٍنه آلينيرسا، «ايچوٍن» سؤزجوٍيو دوٍزگون اوْلا بيلمز. اوْ کي قالدي بيرينجي و ايکينجي واريانت‌لارا، ايکي دوروملا قارشيلاشيريق: أسکي متن‌لرده داها چوخ «ايچين» ايشلنميش، چاغداش يازي‌لار دا ايسه «اوٍچون» ايشلنمکده‌دير. رسمي ديلده «اوٍچون» کيمي منيمسه‌نيلدييينه گؤره، اوٍچون دئييليشيني باشقالارينا اوٍستون سانيريق.
شعرده وزن ضرورتي اوٍزوندن چوٍن سؤزو، «اوٍچون» آنلاميندا گئده بيلر. گوٍلوردون؛ اوچوردو يوواسيندان؛ دئييردين گؤيرچين؛ ياشاميرديم اؤلومچون. (ب. صديقي)
ایواز طاها