بوندان اؤنجه "فاشیزم مئتودولوگییاسی" باشلیقلی مقالهمی سایین اوخوجولارا تقدیم ائدهجهییمی وعد وئرمیشدیم. مقالهنین بوراخیلیشی گئجیکدی، و هر بیر گئجیکن اثریم کیمی یئنی یئنی ال گزدیرمهلردن آماندا قالمادی. بئله کی، اونو گؤزدن کئچیرهرکن یئنی مولاحیظهلر آرتیردیم، سونوجدا اونون حجمی اللی صحیفهنی آشدی. بونون اوچون اونون متنینی سایین اوخوجولارا بؤلومبؤلوم سونمازدان اؤنجه هلهلیک بعضی فراگمئنتلر وئرمهیی مقصده اویغون گؤرورم. بو سیز بو دا مقالهدن بعضی جوملهلر:
>>>سالام دوستلار!
بير مودت اؤنجه نشري دايانديريلميش يارپاق قزئتي گونئي آذربايجاندا یئنيدن ايشيق اوزو گؤرهجک. ریجا ائديريک يازيلارينيزي آشاغیداکی ایمئیل آدرئسینه گؤندرين. يارپاق تاماميله عرب اليفباسي ايله بوراخيلير، آما لاتين اليفباسي ايله ماتئرياللاري دا قبول ائدير، اونلاري عرب اليفباسينا کؤچوردوکدن سونرا قزئتده درج ائديريک.
yarpaqnews@gmail.com
سايقيلارلا
یارپاق قزئتینین باشیازاری ایواز طاها
سايقيلارلا
یارپاق قزئتینین باشیازاری ایواز طاها
تاريخي سيناقدان ایندیکی دوروما /ایواز طاها
محمد امین رسولزاده 1914ـده یازیردی: «بیز چوخ کره دیسیزلیکدن شیکایت ائدییوْروز، بیزده کلمه یوخدورـ دئیه. همن عربجه، فارسجا یاخود روسجا و یا فرانسیزجایا موراجیعت ائدییوروز. حالبوکی قدیم اویغورجانین تدقیقی، جیغاتای لهجهسینین تحلیلی، کازان اوْرئنبوُرگ تاتارلارینین شیوهسی دئییل، ائویمیزده آروادلاریمیز آراسیندا، کندلرده خالق میانینداکی دیله موراجیعت ائتسک، بو کلمهلرین موقابیللریندن بیر چوخونو بولاریز.»
>>>یئنی تحصیل ایلی موناسیبتی ایله "ایواز طاها"نین موراجیعتی
اوشاقلاریمیز اوخوللارا گئتدیلر، باجیلاریمیز، قارداشلاریمیز ایسه بیلیمیوردلارینا. هئچ بیرینین قولتوغوندا آنادیلینده بیرجه کیتاب یوخ. من اورحان پاموکا یازاندا کی، بیزیم بیریمیز ائویمیزی ایتیرمیشیک (قاراباغدا)، او بیریمیز ایسه دیلمیزی (تبریزده)، سؤز دیلین اوغورلانمیش "یازی"سیندان گئدیردی، بیریا مظلومیتینین باهاسینا کؤنلوموزده قورویوب ساخلادیغیمیز دانیشیق دیلیندن دئییل.
>>>یئددی گون، یئددی طالع، بیر انسان
گونوموزون شاعیری پاراجانوون «عاشیق غریب»ـینی خاطیرلادیر، «عالیم»ین غریب سسی ایسه «قدیر»ین «قارا باغ شیکستهسی»نی. سونونجو آککورددا هر شئ داغیلیر، کائنات تیترهییر مفکورهلر چاخناشیر. هئچلیک باش وئریر. نهایتده، هئچلیک یادداشیندا قورونوب ساخلانان اینسانین تکجه ایزی مؤحتشم خاطیرهدیر. او، هم ستارخانین خاطیرهسیدیر، هم ده جوهر دودایئوین. باکیدان قووولموش، سیبیرده چوروموش حسین جاویدین خاطیرهسی.
>>> آيا انسانها را ميشناسند؟
اينان حريصانه ميكوشند ديگران را در يك قالب خالص بريزند، سليقههايشان
را يكي گردانند و انديشههايشان را همچون معادلات سادهي رياضي «همسان و متحد»
كنند. آنان به سر انگشت اين تمايل دروني و قدرتطلبانه فرمان ميرانند كه همهي
انسانها بايد به صورتي كه «من ميانديشم و خرسند ميشوم. درآيند»
>>> ائو دوستاقلیغیندان ایش آزادلیغیناجان
وورغون قادین، باغیمسیز وارلیغا چئوریلمک اوچون چالیشمالاریندا یئنیلگییه اوغرایاجاق. بونونلا
دا هانسیسا کیشینی اؤزو اوچون خیلاصکار سئچهجک. دئمک، قادین ظاهیرن باغیمسیز
[مستقل] گؤرونن کیشی شعوروندان آسیلی اولماقلا، اؤز وارلیغینا اعتیبار قازانیر.دوشونجه ساحهسینده دیلیمیزی ایندیدن دیندیرمک اولار
منی ماراقلاندیران مسئله بودور: بوتؤو کیملیک [هویت یکپارچه] و دمیر عامیلیت همیشه دیکتاتورایا یول آچیب. فرانسا اینقیلابیندا دا بئله اولوب، سووئتلر بیرلیینده ده، ایراندا دا.
>>>اوستاد قافقازیلی بامـباشقا بیر کیتاب اورتایا قویموشدور. هم مئیدانی،
هم ده نظری گئنیش آختاریشلارین سونوجوندا یازیلمیش "ایران تورکلری" کیتابی،
ایران آدلانان چرچیوهدهکی بوتون تورک ائللرینین مدنیـبدیعی گؤرونوشونو
جانلاندیرمیشدی.
>>> آذربایجان تورکجهسی و آیریغین [استثنانین] گوجو
سوْن واختلاراجان غريبه بير سوًز ديلده
ديشده گزيردي: «توٍركجهميز دونیانين ان قايدالي ديليدير». بو ادّعانين دوْغرو
اولوب اوْلماماسيندان آسيلي اوْلماياراق، ديلين تام قايدالي اوْلماسیني بیلیم
تأیید ائتمیر، هئچ بؤیوک اوٍستونلوک ده دئییل. بيلگي آليش ـ وئريشی گئنیش
اوْلمايان چاغلاردا تام قایدالی دیل گئرچك گوًرونسه ده، ايندي بویوک خال دئييل،
چاتيشماز یؤندور! ديلين اينكيشاف مرحلهسينده، اوًزلليكله باشقا ديللرله گئنيش
آليشوئريشه گيريشميش دوًنمده، ’تام قايدالي‘ آدلانان دوروم پوزولماليدير. شخصن
منيم اوٍچون تام قايدالي بير ديل قورخونج، شوم فئنومئندير.
>>>
پُست
مارکسیزم: سوسیالیزمین سونو یوخسا باشلانغیجی
بو یاخینلاردا
ایواز طاهانین یئنی اثرینین بیر بؤلومونو بو دوشرگهده اوخوماق اولاجاق: پُست
مارکسیزم: سوسیالیزمین سونو یوخسا باشلانغیجی.
دوخسانینجی ایللرده دبده اولان ایکی نظریه، ایینه اوجویجا عاغیلدان پای گؤتورموش اینسانی بیله، بو فیکیردن یاییندیرا بیلمهدی: «سوسیالیزم قاییداجاق». نه فوکویامانین "تاریخین سونو" نظریهسی، نه ده هانتینگتونون "اویغارلیقلار چارپیشماسی" باشلیقلی دوشونجهلری، کاپیتالیزمین ابدی ظفرینین خیئرینه گرهکلی آرگومئنتلر ایرهلری سوره بیلمهدیلر. عدالت آنلاییشی سانکی بشرین ساکرال جیزگیده یئرلشمیش دیلکلرینی یانسیدیردی، اونو آیاقلایان اؤزو آياقلاناجاقدی. تاریخ آراباسی، عدالتی آرخادا قویوب لیبئرال دئموکراتیانین ایتکین اؤلکهسینه جومان نظریهچیلری آیاقلاییب کئچیردی... آنتونیو نئگری کیمی مارکسیزیم مرتدلری ایستئثنا اولماقلا، ایندی سوْل بایراغی یئنه ده یوکسهلیشدهدیر. لاکین آرتیق بایراق ایجتیماعی قاتلارین الینده دئییل، یوموشاق قاوراملارین چیینیدهدیر...
"آنجاق شعر؛ بيرآز دا سئوگي، دوٍشونجه و سياست"
بو اثر چاپ ايجازهسي گؤزلهيير.
ANCAQ ŞEİR Bir az da sevgi, düşüncə və siyasət
Eyvaz TAHA
>>>سون آیلاردا منیمله باغلی اینتئرنئت دوشرگهلری سسسیزلیک ایچیندهدیر. سبب سؤیلهمهیه هلهلیک ماراغیم یوخ. لاکین حاضیرلاماقدا اولدوغوم بیر نئچه کیتابی، عذر دیلهییمه بهانه ائده بیلهرم. کیتابلار اوچون شابک و فیپا آلینمیش، یاییم ایجازهسی اوچون علاقهدار دؤولت اورگانلارینا گؤندهریلمیشدیر.
هر حالدا باشآغری وئرمهیه ایندی حضورونوزدایام. گونو صاباحدان ایسه بو دوشرگهده یئنی یازیلار یئرلشدیرهجهیم. گئجیکدیییمدن دولایی دیله گلمیش گیلئیلردن، (هابئله بعضی یئرسیز دئدیـقودولاردان دا) خبریم وار. چئشیدلی یوللارلا (اؤزهللیکله بولـبول گؤندهردیکلری ایمئیل واسیطهسی ایله) سوسقونلوغومون ندنینی اؤیرنمک ایستهمیش بوتون وطنداشلارا اؤز سایقی و سئوگیمی سونورام.
میللی کیملیک و چاتیشماز گیریشم
ایواز طاها
ایران دؤولتی غیرفارس بؤلگهلرین بیلیمیوردلاریندا
آذربایجان تورکجهسی، کوردجه، تورکمنجه و عربجهنین تدریسی بارهده قرار قبول
ائدیب. بو قراره گؤره آدی چکیلن دیللرین دانیشیلدیغی بولگهلرده، غیرمجبوری
اولاراق هفتهده ایکی ساعات درس کئچیریله بیلر. بو گیریشیمین ایرهلییه دوغرو
آتیلمیش بیر آددیم اولدوغونو وورغولایانلارا رغمن، بونا «اوتوز ایل گئرییه قاییدیش»
آدی داها اویغوندور. چونکی اینقیلابدان اؤنجه تهران و آذرآبادگان آدینا تبریز بیلیمیوردلاریندا
ائله بیر درس کئچیریلیرمیش.
>>> رویدادهای سینکیانگ و وظیفهی ما
ایواز طاها
اویغورهای ایالت سینجان [سینکیانگ] چین در معرض کشتار بیرحمانه قرار گرفتهاند. دولت چین که از سالها پیش دست به تغییر ترکیب جمعیت در این ایالت زده است، اینک کمر به نابودی میراث فرهنگی اویغورها در شهرهای اورومچی، کاشغر و تورفان بسته است با این بهانه که در جای آثار تاریخی فرسوده ساختمانها و ائلمانهای مدرنی خواهد ساخت. در مقابل این تخریب و کشتار هدف اعتراض مسلمانان اویغور روشن است: دفاع از هویت ملی، حفظ میراث تاریخی و انتخاب شیوهی دلخواه زندگی.
کيمليييميزي دانان سئوگي مکتوبو
يارپاق قزئتينين باش يازاري ايواز طاهانين ايراندا يئني تحصيل ايلينين باشلانماسي موناسيبتي ايله شاگيردلر و اؤيرهنجيلره آچيق مکتوبو
ايراندا 14 ميليون شاگيرد و 3 ميليونا ياخين اؤيرنجي تحصيل اوجاقلارينا گئتديلر. مکتبلرين زنگينين چالينماسي ايله صينيفلره يوللانميش بو اوشاقلارين 60 فايزينين آنا ديلي فارسجا دئييل. اونلارين اکثريتي آذربايجان تورکجهسينده، قالاني ايسه کورد، عرب و باشقا ديللرده دانيشسالار دا، مکتب و بيليميوردلاردا فارسجا دانيشيب يازماق مجبوريتيندهديرلر
پرئزيدئنت احمدي نژاد بو مجبوريتي اونوداراق محبت آنلاميني داشييان "مهر" آييندا مکتبه گئدهن اوشاقلارا سئوگيدن دانيشدي: «امينم کي، بو ايل ده بيزيم گنج نسليميز عدالت، سئوگي بسلهمک و اؤلکهنين هر طرفلي اينکيشافينا داير سؤزلري اؤيرنهجک».
منجه بو سؤزلر "عدالت"ي هايقيران پوپوليست سياستچيلرين يالنيز عدالتسيزليک دوغوران ايقتيصادي گؤتوروشونون باشقا بير گؤستريجيسيدير. يوخسا کيم بيلمير کي، ديلي دانيلميش هر بير وارليق، "کيمليک" گرگينلييينه سوروکلهنهرک اينکيشاف ائده بيلمز. عدالتدن، سئوگيدن و اينکيشافدان بو ساياق دانيشماق، اوشاقلارين گؤزونه باخاراق اونلارين هم قران کريمده، هم آناياسادا، هم ده اولوسلار آراسي اينسان حاقلاري بياننامهلرينده آچيقجا وورغولانميش ديل و دوشونجه آزادليغيني آياق آلتينا آليب تاپدالاماقدان باشقا بير شئي دئييل دير.
صؤحبت «بشريتين ان گؤزل، بيتكين، و ان ياخشي طالعي»ندن گئديرسه، گوج قورولوشلاري و گوج کورسولرينه ديرسکلنميش آداملارين سئوگي مکتوبلاري تکجه سوسقون کوتلهيه ارمغان ائديلمهمهليدير، حاققيني ايستهين وطنداشلارا دا گؤندهريلمهليدير. يوخسا آغزيني آچيب ان واجيب، ايلکين و دانيلماز حاققيني، يعني آناسي دانيشان ديلده دانيشماق ديلهييني ديله گتيرهنلرين يئري حبسخانالارين قارانليق گؤزلري اولورسا، او محبت مکتوبلاري اسيرليک بلگهسينه چئوريلهجک.
سئويملي اؤيرهنجيلر! اؤز آنا ديلينيزي مومکون يوللارلا اؤيرنمکله گئرچک کيملييينيزي قورويون.
سئوگيلر و سايقيلارلا
ايواز طاها
تبريز، 1 مهر 1387
ایلهان بئرک! سسين، بياض كؤينهييم هاردا
سون واختلار بؤيوك شاعير ايلهان بئركي ايتيرديك. اونون "يارپاق" قزئتينين سيناق ساييسي اوچون چئويرديييم خيرداجا بير اثرينين بوردا وئريلمهسي يئرينه دوشردي. ا. طاها
>>>باشیمیزا بلا گلدی. اول دئدیک بلکه بیزیم سایت دا عراقدا چالیشان خئیرخواه هکرین غضبینه گلیب. بازار [یکشنبه] گونو شهریورین 18ـی ساعات 10دان سایت باشلادی انگل آچماغا.
>>>ائي سن!Hey You
بو شعر "ایواز طاها"نین چئویریب چاپا حاضیرلادیغی "قورخو سنین آردینجا سورونور" کیتابیندان گؤتورولموشدور .شعرین اوریژینالی متنین سونوندا وئریلمیشدیر.
ائی، باییردا اوشوین آدام
سن كي يالنيز قالير، قوجاليرسان،
مني آنلاييرميسان؟
ائي، کئچيدلرده دورموش آدام،
قاشينان آياقلارلا، سولغون گولوشلرله،
مني آنلايا بيليرميسن؟
ائي! سن اونلارا يارديمجي اولما،
گونشي تورپاغا قويلاماقدا.
دؤيوشمهدن، بويون اَيمه...
>>>آنا یارپاق| دوشونجه| قیسا یازیلار| رومان، اؤیکو| تنقید| کیتاب| درگی، قزئت| گوزگو| کیملیک| دوشرگهنین تاریخی آردیجیللیقلا آرشیوی| فارسینوشتها| بیرباشا ایلگی| بوتون یازیلار|
● Bir grup öyrəncilərə bağlı bu internet düşərgəsi azərbaycanlı yazıçı
və düşünər EYVAZ TAHAnın yazılarını yayır
● Düşərgədə gedən yazılara görə sayın müəllifdən icazəli olsaq da bütün
texiniki çatışmazlıqların mısuliyyıti bizim üzərimizə düşür
● BU İNTRNET DÜŞƏRGƏSİNDƏN GÖTÜRÜLMÜŞ YAZILARIN QAYNAĞI MÜTLƏQ GÖSTƏRİLMƏLİDİR
● Bizim E-mail ünvanımız: yarpaqnews@gmail.com
● Yazarın E-mail ünvanı: eyvaztaha@gmail.com
© Bütün hüquqları qorunur və düşərgə sahibinə məxsusdur
