بیر سوال بیر جاواب
هامیمیز بو
چیخیلماز دورومدا قالمیشیق. واخت اولوب کی، هانسیسا یازیچی، شاعیر، دوشونر و
سیاستچییه وئردییین سورغولارین پئشمانچیلیغینی چکیبسن. همیشه قارشیلاشدیغین تانیش دوروم: بوش
بوغازلیق. بونا گؤره، قیسا بیر سورغویا یالنیز ییغجام بیر جواب ویریلیرسه، اوزون
اوزادی جاوابلاردان دنگهسر اولموش اوخوجولارا گؤیدن دوشمه اولاجاق.
بو
سورغولاری آیری آیری زامانلاردا يارپا قزئتيندهكي «بیر سوال بیر جاواب» روبریکاسی اوچون سئچیب،
چئویرمیشم. ایندی همین سورغولار و اونلارا وئریلن جاوابلار:
گابریئل
گارسيا ماركز
ـ اؤلومدن قورخورسونوزمو؟
ـ اؤلومدن دئييل، اؤلمكدن
قورخورام. بير يازيچي كيمي مني اينجيدن بير شئي ده وار. ياشاييشيمين ان
اؤنملي بؤلومو، يعني اؤلمهييم، تكجه حاديثهديركي اونون حاققيندا نهسه يازا بيلمهيهجهيم.
نزار
قبانی
نزار قبانينين
«اشعارالجنون» باشليقلي شعرينده، مشعوق عاشيقدن «نهدير سني يوران؟ يولون اوزاقليغي ديرمي؟»
دئيه،
سوروشور.
عاشيق جاوابيندا دئيير: «سنین
گؤزلرينين
ايچينده مني يوران بير شئي يوخدور. هوسله ايتمك ايستهييرم،
بیلیرم
ايچينده ايته بيلمهيهجهيیم يول نه قدهر قوخونجدور.»
ميخاييل بولگاكوف
ميخاييل بولگاكوف روسيهنين آدليم يازيچيلاريندان ایدي. اونون بير چوخ ديللره
چئوريلميش «ايت اورهيي» باشليقلي كيتابيني يقينكي اوخوجولاريميزين چوخو تانييير.
«مايكل گلئمي»دن «ايت اورهيي نه دئمك
ايستهيير؟» دئيه، سوروشسايديق، او، بئله جاواب وئرهردي:
«ايت اورهيي»ني باشقا
ساتيريك (هجوآميز) اثرلر كيمي آيري آيري طرزده اوخويوب، لذت آلماق
اولار: بو رومان بير ياندان آواراليق حاققيندا سؤيلنميش بير تحكيه اثريدير، و
اؤتن عصرين ايگيرمينجي ايللري موسكوادا ياشاماغين چتينليكلريني اله
سالير. آمما منجه او داها درينليكلره گئدير. او روسيه انقلابيندان كسكين شكيلده
سؤز آچير. بو اثرده ايت روسيه خالقيني تمثيل ائدير. ائله بير كوتله كي، ايللر بويو زوراكيليقلارلا
قارشيلاشميشدی، و اونونلا انسان کیمی دئییل، ايت كيمي داورانيلميشدی.»
داریوش
شایگان
ـ سيز 1313- جي گونش ايلي
بهمن آييندا دونيايا گؤز آچدينيز؛ اوشاقليغينيزدان دانيشين.
ـ من وارلي بير عائلهده
آنادان اولدوم. آتام تانينميش بير تاجير ايدي. آنام «زولوگيدزده آباشيدزه
گراتيون» آدلي بيريسي ايدي، و روس- قافقاز تربيهسي آلميشدي. بيزيم ائويميزده بير
نئچه ديل ائشيديليردي. آناملا خالام گورجو ديلينده دانيشيرديلار. آنام اوچ ديلده
دانيشا بيليردي؛ آناديلي اولان گورجو ديلينده، مكتبده اؤيرهنديیي روس ديلينده، و مسلمان
اولدوغو اوچون عثمانلي ديلينده. بلكه ده گورجوستانين عثمانلي امپراتورلوغو ايله
قونشو اولدوغونا گؤره، بو ديلي اؤيرنميشدي. من ائوده گورجو ديلي، روس ديلي،
عثمانلي توركجهسي و آذربايجان توركجهسيله تانيش ايديم. آخي آنام، اورمو آذربايجانليلاريندان اولان آتاملا توركجه
دانيشيرديلار. آنام عثمانلي توركجهسيله دانيشيديقدا آتام آذربايجان توركجهسيله
جاواب وئريردي. من ايكي تورك و فارس ديليني بو مینواللا اؤيرنديم.
کارلوس فوئنتئس
ـ يازيچينين مقصدي ايستر
لاتين آمئريكاسيندا، ايسترسه ده دونيانين هر يئرينده نهدير؟
ـ يازيچي بيزه تاريخين
توكنمهدييني آنلادير. تاريخين سونا وارديغينيي ادعا ائدنلره قارشي
چيخاراق، يازيچي دئيير: «بئله دئييل، تاريخ سونا چاتماميشدي.» بيز
اونو قورومالي، دانيشيغا شراييط ياراتماليييق. اگر بونو ائتمهسك، بيزيمله
مصلحتلشمهدن تاريخي گئرچكلشديرن گوجلولره قوربانليق گئدهجهييك. يازيچي بيزه
كئچميشين نئجه جانلادیراجاغیمیزی سؤيلهيير. يازيچي بيزدن چئشيدلي
مدنييتلي توپلومدا ياشاماغيميزي ايستهيير. سيزين اينانيب اينانماديغينيزدان
آسيلي اوْلماياراق، يئل دييرمانلاري كيمي بير ديودير یازیچی.
گابریئل
گارسیا مارکئز
