اسکی ایداره دؤورونده غئیر رۇس میللت‌لرین هر ایشینه فنا گؤزله باقیلوب، اوْنلارین أن معصوم حرکت‌لری بیله سۇء بیر تفسیره اوْغراردی. مکتب آچسالار، آنا [دیلی] اساسیندا درس وئرسه‌لر، میللیي دیلده کیتاب و گازتا نشر ائتسه‌لر، میللي، دینی و مدنی حۆقوق‌لاری‌نین تانیلماسینی دیله‌سه‌لر هامان اوْنلارین «سپاراتیست» [تجزیه‌طلب] اوْلدوقلارینا حۆکم ائدیله‌رک مکتب‌لری قاپادیلیيور.
بو سؤزلر منیم دئییل، 1917-ده قیریم یاریم آداسیندا [ایندیکی اوکراینادا یئرلشن کریم شبه جزیره‌سینده] قلمه آلینمیشدیر. قیریمین تانینمیش شخصین‌لریندن اولان حسن صبری آیوازوو 1917-ده دئوریمین ظفر چالدیغیندان سونرا بو مسئله‌یه توخونور (بو سیتاتا یئنی چیخاجاق بیر مقاله‌م‌ده یئر وئرمیشم.)