جومه گونو آخشام چاغی خزر تئلئویزییاسی ۵-ده ۵ وئرلیشینده سورپریز گؤستردی. آپاریجی اوزونو راسیمه توتاراراق اوندان شعر دیکلمه‌سی ایسته‌دی. راسیم بیر آز فیکره گئدیب، بئله باشلادی:
یوزونو مندن نیهان ائتمک دیلرسن، ائتمه‌گیل،
گؤزلریم یاشین روان ائتمک دیلرسن، ائتمه‌گیل!
نسیمی‌نین چیلغین روحو فرغانه‌نی جوشدورمایا بیلمزدی. بداهتا سئچدییی موغام دستگاهیندا عالیمین ائشیتلییینده ان دورو ائستئتیک لذت‌لردن بیری یاراندی. نسیمی، راسیم، عالیم و فرغانه توپلانتیسیندا جومه آخشام‌چاغی‌لاری‌نین جان‌سیخیجی زامان ذره‌جیک‌لری نئجه ده سماع رقصینه قالخیشدیلار!