آیدینلانما غرب مدنتینده گوجلو و تاریخین یؤنونو دییشدیرمیش بیر آخیمی‌دیر. آذربايجان جمهوريتينده بونا “معارفچيليک” دئييلير، فارسجادا “روشنگري”، انگلیسجه‌ده ايسه Enlightenment. بو آخيم 18ـ‌جي يوزايلليکده ياراندي. آيدينلانما، اوْرتاچاغين تابوتونا سوْن ميخي چالماق ايسته‌ييردي. اوْنون باشليجا آماجي، کايناتدا قايناشان اوْوسون‌لاري بيليمين ألي ايله سوپوروب تاریخ زیبیللیییینه تؤکمک، اوسطوره‌لره قيرميزي قلم چکمک، و خيال‌سئوه‌‌رلييي دئويرمک ايدي. جاواب وئرمه‌يه تَلَسگنلييين عوضينه شوبهه‌يه قاپيلماغي اؤيرنمک. بو آخيمين باشيندا دايانان ديدرو کيمي دوشونرلر گومان ائديرديلر کي، عاغيلين ايشيغيندا هر شئي آيدينلاشاجاق.
قایناق: “شعر وارلیغین ائوی‌دیر” کیتابی