نئچه گون اؤنجه ایستانبولون تاکسیم مئیدانیندا، بیر گزه‌گن موسیقی گروپو چالیب اوخویوردو: ایران ای کنام شیران. ماهنی‌لار بوش گؤسترن‌لره [دال‌های تهی] کؤکلنمیشدی. قهرمانلیق‌لار، استعدادلار، قورخمازلیق‌لار هامیسی ایران آدلی بیر اؤلکه‌نین وطنداش‌لاری آدینا چیخیلیردی. اؤزگه‌لره نه‌سه قالمیردی. بونلارین هامیسی بوش گؤسترن‌لردیر. گئری قالمیش بیر میللتین بوش یئره اؤزونو اؤیمه‌سی. دوبی آدلی بیر شهرین اقتصادیاتی ایران آدلی بیر اؤلکه‌دن بؤیوک‌دور. آمما همین اؤلکه اؤز دورومونو رئال ده‌یرلندیره بیلمه‌دیییندن، اؤزونو یئکه یالان‌لارلا آلدادیر.
چلیشکیلی [متناقض] بیر دوروم ایدی. سؤزده قهرمانلیق سیمگه‌سی [نمادی] کیمی چخیش ائدن موسیقی گروپو ، گئرچکده دیلنچیلیک ائدیردی. فخر ساتاراق تاماشاچی‌لاردان پول دیله‌‌نیردی!
دؤرد-بئش گون یاغیش آردینجا گونشلی بیر آخشام اوستو گلدی. همین گون تاکسیم مئیدانینا آخیشان جاماعات، گؤزلرینده دالغالانان یازیلیق حیسینی بئش لیرالیق اسکناس‌لارین اکرامی ایله سویوتدولار. اونلار نه بیلیر کی، بونلار قاراچی موسیقی گروپو دئییللر. ایدئولوژیک خولیالارا قاپیلمیش اؤندرلرین غضبینه گلمیش قاچقین‌لاردیرلار.
منیم گروپا یازیغیم گلدی. آمما نه قده‌ر کی بو اینسان‌لار، تاریخی یئنیلگی‌لرینی قبول ائتمه‌دن باشقا خالق لارا یوخاریدان آشاغی باخیرلار، دوروم دییشمه‌یه‌جک.