ایندییه‌دک بئش تورکجه نشر اورگانینا باشچیلیق ائتمیشم. اونلارین اوچو اؤنملی‌دیر: یول، جاهان، یارپاق. یول آیلیق درگی ایدی، من‌سه اونون باش یازاری ایدیم. جاهان کیریل الیفباسیندا چیخان اوچ آیلیق فلسفی درگی ایدی، من ده سوروملو مدیر و باش‌یازار. یارپاق هفته‌لیک قزئت، من ایسه سوروملو مدیر و باش یازار. بو اوچ نشریه‌نین لوگوسونون حاضیرلانماسیندا بیرباشا رولوم اولموشدور. یول درگی‌سی‌نین لوگوسونون الهامینی واختیله لندن‌ده بوراخیلان عربجه العالم درگیسیندن آلدیم، گؤرکملی رسام و هئیکل‌تراش “نجیبی”دن اونون اجراسینی ریجا ائتدیم. یولون لوگوسو اؤز واختیندا أن گؤزل لوگولاردان بیری کیمی آلیندی.