پلمه‌لی گون‌لر ائلچیسی، قورباغالار، هاچان گلیب چاتاق؟
کده‌رلی ایدیم. ایچکین بیر دوست‌لا بالیقلی چایین اوزه‌رینده‌کی تاختا کؤرپودن سویا زیللندیک. شن قورباغالار وارگوج‌لریله قورولداشیر، هردن ده اوستوفجا سئویشیردیلر. ندنسه بئینیمه یاز یاغمورو هوپدو. طبیعت آمان وئرمه‌دی. یاغیش دلیجه یاغماغا باشلادی. یاغیش آلتیندا چتیرسیز یورومه‌یه باشلادیق. ایسلاندیقجا تورپاغین سوسقون قوخوسو گؤزه‌للیک آیه‌سی کیمی دیللندی: اوره‌یینیزه طراوت باغیشلادیم، قدرینی بیلین، آدام اولون، کیچیک ارمغان دئییل بو!
شرقین گؤرکملی عارفی “باشو” گلدی دوردو گؤزلریمین اؤنونده. کیچیک گؤلمه‌‌جه‌لرده‌کی قورباغالار باشونون گؤزلرینی حیاتا آچمادی‌می؟