1991ـجی ایلین سون‌لاریندا آذربایجان دیلینده «یول» آدلی بیر رسمی قزئتین بوراخیلیشینا ایذن وئریلدی. یولون هر نؤمره‌سی آذربایجانجا [آذربایجان تورکجه‌سینده] ایصطیلاح‌لارین فارس دیلینه ترجومه‌سی گئدن «سؤزلوک» صحیفه‌سینی ائحتیوا ائدیردی. اوخوجو دایره‌سینی گئنیشلندیرمک مقصدی گودن بئله بیر گیریشیم، بو گئرچلییی گؤستریردی کی، یولون یازیچی‌لاری سووئت آذربایجانیندا چیخان کیتاب‌لار و مقاله‌لری اوخوموشلار، و آکادئمیک دایره‌لرده قوللانیلان تئرمین‌لرله تانیشدیرلار. اوسته‌لیک، قزئتده آدربایجان ایالت‌لری‌نین تاریخی ایله باغلی مقاله‌لر گئدیردی. آذربایجان دیلینی [تورکجه‌سینی] اوخوماغا یئنی‌یئتمه نسلی روحلاندیرماق اوچون، یولا هردن [کپینک آدلی] اوشاق‌لار اؤزه‌ل ساییسی دا علاوه ائدیلیردی، بو اؤزه‌ل سایی‌لاردا، اویون‌لار و ناغیل‌لارا یئر وئریلیردی. بعضی رسمی گؤروش‌لرله یاناشی، قزئتده بیر چوخ آذربایجانا عاید میللتچی یؤنوملو عالیمانه معلومات‌لارا دا گئدیردی…
یول ایران آذربایجانیندا ان پاپولیار قزئت ایدی. بو پاپولیارلیق رسمی دایرلرده قورخو تؤره‌تدیکده، قزئت باغلاندی.
سلام! بو پست دا براندا شئفئره عاید هئچ بیر سؤز یوخ!
سایین طه سانیرام بیر یانلیشلیق اولوب. یوخسا منیم باشا دوشمه دیگیم بیر مئوضوع وار!
سالام سایین عزت! بو پوستدا اوخودوغونوز متن برئندا شیفئردن‌دیر. مقصدینیزی آنلامیرام. بو متنین شئیفره عاید اولدوغوندا شوبهه‌نیز وار یوخسا سیزین بیلگی‌سایارینیزدا هئچ بیر متن گؤرونمور؟ سایقیلارلا.